Birja

Ana səhifə

Birja

Azərbaycanda ilk dəfə ortamüddətli dövlət istiqrazları yerləşdirilib

16 mart 2009 09:09 (UTC +04:00)

Bakı. Vahab Rzayev – APA-Economics. Martın 13-də Bakı Fond Birjasında (BFB) Azərbaycan Maliyyə Nazirliyinin 10700323S seriyalı dövlət ortamüddətli istiqrazlarının (DOİ) yerləşdirilməsi üzrə hərrac keçirilib.
BFB-dan «APA-Economics»ə verilən məlumata görə, 1 investor tərəfindən təqdim olunmuş sifarişin nominal üzrə ümumi həcmi 500 min manat təşkil edib. DOİ üzrə emitent tərəfindən elan edilmiş gəlirlik 9,50% təşkil edir. İstiqrazların nominal üzrə reallaşdırılmış həcmi 500 min manat məbləğində müəyyən edilib.
Bu DOİ buraxılışı üzrə öhdəliklər emitent tərəfindən 2011-ci ilin martın 11-də tam icra olunacaq, faizlərin ödənilməsi isə yarım illik qrafik əsasında (11.09.2009, 12.03.2010, 10.09.2010 və 11.03.2011 tarixlərində) həyata keçiriləcək.
Qeyd edək ki, Maliyyə Nazirliyinin 2-illik istiqraz buraxılışı Azərbaycanda ilk dəfə yerləşdirilir. Bununla belə, 2 mln. manat həcmində emissiyası olan DOİ buraxılışı üzrə 25%-i yerləşdirilib ki, bu da maliyyə bazarı üçün yeni aləti üçün müsbət yekun kimi qiymətləndirilə bilər.