Birja

Ana səhifə

Birja

Dow Jones indeksi 2,8%, S&P 500 2,9%, Nasdaq isə 3,3% yüksəlib

03 aprel 2009 07:45 (UTC +04:00)

Bakı. Vahab Rzayev - APA-Economics. Aprelin 2-də Amerika fond bazarında Dow Jones indeksi 2,8% - 7978,08 bəndədək, S&P 500 2,9% - 834,38 bəndədək, Nasdaq isə 1,5% - 1551,60 bəndədək yüksəlib.
«APA-Economics»in məlumatına görə, ABŞ-ın fond bazarında kotirovkaların yüksəlməsi aprelin 2-də keçirilmiş G-20-nin sammitində qəbul edilmiş qərarlardan sonra baş verib. Belə ki, sammitin nəticəsində G-20 ölkələri tərəfindən iqtisadiyyatların bərpasına 2010-cu ilin sonuna kimi 5 trln. dollar həcmində vəsaitin yönəldilməsi barədə razılığa gəlinib. Bundan başqa, ölkələr Beynəlxalq Valyuta Fondun ehtiyatlarının artırılmasında iştirak edəcək. Nəticədə, fond bazarında «Bank of Amerikan»ın səhmləri 2,7%, «Wells Fargo»nun səhmləri 5,9%, AİG-in səhmləri 6,5%, «İntel»in səhmləri 4,5% bahalaşıb.
Avropa bazarlarında aprelin 2-də Britaniya FTSE 100 indeksi 4,3% - 4124,97 bəndədək, Fransa CAC-40-ı 5,4% - 2992,06 bəndədək, Almaniya DAX-ı isə 6,1% - 4381,92 bəndədək yüksəlib. G-20-nin dövlət başçıların sammitində qəbul edilmiş qərarların müsbət təsirin gözləmələrindən başqa kotirovkaların yüksəlməsinə həmçinin Avropa Mərkəzi Bankının uçot dərəcəsinin 0,25 faiz bəndi, yəni 1,25%-dək azalması qərarı da səbəb olub. Nəticədə, əsasən maliyyə qurumlarının səhmləri nəzərə çarpan dərəcədə bahalaşıb. Məsələn, HSBC-nin səhmləri 11,8%, «BNP Paribas»ın səhmləri 10,7%, «Banco Santander»in səhmləri 9,5%, «Standard Chatered»in səhmləri 15,9%, «Deutsche Bank»ın səhmləri 14,5% bahalaşıb. Bundan başqa, «Royal Dutch Shell»in səhmləri 4%, «Total»in səhmləri 5,3%, BP-nin səhmləri isə 2,5% bahalaşıb.
Dünya bazarında avronun dollara qarşı məzənnəsi 1,3453 (+1,30%) dollar təşkil edir.