Birja

Ana səhifə

Birja

Dow Jones indeksi 0,05%, S&P 500 0,4%, Nasdaq isə 0,6% yüksəlib

06 aprel 2009 08:01 (UTC +04:00)

Bakı. Vahab Rzayev – APA-Economics. Aprelin 3-də Amerika fond bazarında Dow Jones indeksi 0,05% - 7981,83 bəndədək, S&P 500 0,4% - 838,06 bəndədək, Nasdaq isə 0,6% - 1612,83 bəndədək yüksəlib.
«APA-Economics»in məlumatına görə, ABŞ-ın fond bazarında kotirovkaların, demək olar ki, dəyişməməsi bazara müxtəlif amillərin fərqli istiqamətdə təsiri səbəbindən baş verib. Məsələn, ölkədə işsizlərin sayının 8,5%, yəni 25 il ərzində ən maksimal səviyyəyə çatması barədə məlumatlar kotirovkaların enməsinə, bir sıra şirkət üzrə müsbət korporativ xəbərlər isə yüksəlməsinə səbəb olub. Nəticədə, kotirovkaların dinamikasında dəyişkənlik müşahidə olunub. Məsələn, «Bank of Amerikan»ın səhmləri 5%, «Wells Fargo»nun səhmləri 7%, «Citigroup»un səhmləri 4% bahalaşıb, «Microsoft»un səhmləri isə 3% ucuzlaşıb.
Avropa bazarlarında aprelin 3-də Britaniya FTSE 100 indeksi 2,3% - 4029,67 bəndədək, Fransa CAC-40-ı 1,1% - 2958,74 bəndədək enib, Almaniya DAX-ı isə 0,1% - 4384,99 bəndədək yüksəlib. Kotirovkaların enməsi əsasən enerji, neft və farmasevtik şirkətlər üzrə müşahidə olunub. Belə ki, BP, «Total», ENI və «Statoil» kimi enerji şirkətlərinin səhmləri 2,6-3,8%, «Novo Nordisk» farmasevtik şirkətin səhmləri 13,7%, «AstraZeneca», «GlaxoSmithKline», «Sanofi-Aventis», «Novartis» və «Roche» kimi digər farmasevtik şirkətlərin səhmləri 2,2-5,4% ucuzlaşıb. Eyni zamanda, avtomobil istehsalçılarının səhmləri bahalaşıb, o cümlədən «Renault»un səhmləri 11%, «Daimler»in 7,1%, «Peugeot»un isə 6,1% artıb.