Birja

Ana səhifə

Birja

Dow Jones indeksi 2,6%, S&P 500 3%, Nasdaq isə 3,2% yüksəlib

10 aprel 2009 07:45 (UTC +04:00)

Bakı. Vahab Rzayev - APA-Economics. Aprelin 9-da Amerika fond bazarında Dow Jones indeksi 2,6% - 8039,33 bəndədək, S&P 500 3% - 849,85 bəndədək, Nasdaq isə 3,2% - 1641,97 bəndədək yüksəlib.
«APA-Economics»in məlumatına görə, analitiklər ABŞ fond bazarında kotirovkaların yüksəlməsini «Wells Fargo»nun maliyyə proqnozunun müsbət olması və «New York Times» qəzetində bank sektorunun vəziyyətinə dərc edilmiş dair optimist xəbərlərlə əlaqələndirir. Nəticədə, «Wells Fargo»nun səhmləri 31,7%, «Bank of Amerika»nın səhmləri 35,3%, «Citigroup»un səhmləri 12,6% bahalaşıb. Artım tendensiyaları həmçinin İT sektorunda da müşahidə olunub. Belə ki, «İntel»in səhmləri 4,7%, «Microsoft»un səhmləri isə 2,5% bahalaşıb.
Avropa bazarlarında aprelin 9-da Britaniya FTSE 100 indeksi 1,5% - 3983,71 bəndədək, Fransa CAC-40-ı 1,8% - 2974,18 bəndədək, Almaniya DAX-ı isə 3,1% - 4491,12 bəndədək yüksəlib. Avropa bazarlarında kotirovkaların yüksəlməsi də əsasən bank sahəsində müşahidə olunub ki, bu da Amerika bankları üzrə müsbət xəbərlərlə bağlıdır. Nəticədə, «Barclays», «Banco Santander», «Deutsche Bank» və UBS-in səhmləri 4,6-10,9% civarında bahalaşıb.
Dünya bazarında avronun dollara qarşı məzənnəsi 1,3139 (+0,96%) dollar təşkil edir.