Birja

Ana səhifə

Birja

Azərbaycanın qiymətli kağızlar bazarında brokerlərin iyun renkinqinə «UniCapital» başçılıq edir

02 iyul 2009 13:15 (UTC +04:00)

Bakı. Nicat Mustafayev – APA-Economics. Bu ilin iyun ayında Azərbaycanın qiymətli kağızlar bazarında (repo əməliyyatlar bazarı istisna olmaqla) brokerlərin renkinqinə göstərilmiş xidmətlərin həcminə görə «UniCapital» şirkəti başçılıq edir.

Bakı Fond Birjasından (BFB) «APA-Economics»ə verilən məlumata görə, hesabat ayında şirkət 2 müştəriyə ümumi dəyəri 38 714 935,42 manat olan broker xidmətləri göstərib.

İkinci yeri 2 müştəriyə ümumi həcmi 16 737 031,26 manat olan broker xidmətləri göstərmiş «Brokdil-Az» tutub. Bu göstərici birinci yeri tutan brokerin göstəricisindən 2,3 dəfə azdır.

Göstərilmiş broker xidmətlərinin həcminə görə üçüncü yerdə isə 10 476 713,72 manatla «BoB-Broker» qərarlaşıb.

Qeyd edək ki, iyun ayında brokerlərin renkinqində (sıralanmasında) maksimal məbləğin səviyyəsi əvvəlki ayla müqayisədə 6,9% artıb. Belə ki, may ayında göstərilmiş broker xidmətlərin maksimal məbləği 36 196 400,02 manat təşkil edib.

Mövqe (iyun, 2009)	Mövqe (may, 2009)	Brokerlər	Əqdlərin sayı	Müştərilərin sayı	Əməliyyatlarının həcmi (AZN)
1	1	UniCapital	17	2	38 714 935,42
2	3	Brokdil-Az	13	2	16 737 031,26
3	2	BoB Broker	6	1	10 476 713,72
4	5	Texnika Capital Management	11	2	7 082 493,60
5	4	Chealse Capital	8	2	4 755 689,34
6	8	Respublika İnvest	4	1	3 812 893,66