Birja

Ana səhifə

Birja

Neft yenidən bahalaşıb

19 avqust 2009 06:53 (UTC +04:00)

Bakı. Vahab Rzayev – APA-Economics. Avqustun 18-də Nyu-Yorkun NYMEX əmtəə birjasında keçirilən ticarət əməliyyatlarının gedişində WTI neftinin ixracına dair sentyabr müqaviləsinin dəyəri 2,44 dollar və ya 3,66% artaraq 1 barelə görə 69,19 dollar təşkil edib.

«APA-Economics»in məlumatına görə, avqustun 18-də ICE London qitələrarası birjasında sentyabrda ixrac etməklə Brent markalı neftin 1 barelinin dəyəri isə 1,83 dollar artaraq 72,37 dollar təşkil edib.

Neft bazarına əsasən ABŞ və Avropa fond bazarlarında kotirovkaların yüksəlməsi və ABŞ-da xam neft ehtiyatlarının azalması barədə xəbərlər müsbət təsir edib. Belə ki, avqustun 18-də fond indeksləri orta hesabla 1% yüksəlib, ABŞ-da xam neft ehtiyatları isə ötən həftə 6,134 mln. barel azalıb. Ümumilikdə isə, Amerika Neft İnstitutunun məlumatına görə, xam neft ehtiyatları 342,377 mln. barelə çatıb, benzin ehtiyatları 847 min barel azalaraq 212,568 mln. barelə, mazut və dizel yanacağı ehtiyatları isə 1,529 mln. barel artaraq 161,042 mln. barelə çatıb.