Birja

Ana səhifə

Birja

Neftin qiyməti 10-aylıq rekorda çatıb

22 avqust 2009 09:24 (UTC +04:00)

Bakı. Vahab Rzayev – APA-Economics. Nyu-Yorkun NYMEX əmtəə birjasında avqustun 21-də neftin qiyməti 1 barelə görə 73,89 dollara çatıb. «APA-Economics»in məlumatına görə, bu qiymət səviyyəsi sonuncu dəfə ötən ilin oktyabrın 15-16-da müşahidə olunub və sonradan neft tədricən ucuzlaşıb:

Neftin bahalaşmasına əsas səbəb kimi bu həftə ərzində ABŞ rəhbərliyi, Beynəlxalq Valyuta Fondunun rəhbərliyi və ardınca Federal Ehtiyat Sisteminin rəhbəri Ben Bernankenin ötən ildəki dərin geriləmədən sonra həm ABŞ, həm digər ölkələrdə iqtisadi fəallığın artmağa başlaması, böhrandan çıxışın başlanması barədə bəyanatları qeyd etmək olar.

B.Bernankenin fikrincə, bununla belə iqtisadiyyatın artıma məhz yaxın gələcəkdə qayıtması perspektivləri müsbətdir. Eyni zamanda, B.Bernanke vurğulayıb ki, gələcəkdə hələ də müəyyən problemlər gözlənilir və nəticədə, iqtisadiyyatın sağlamlaşması və əsasən işsizlik səviyyəsinin azaldılması bir qədər ağır gedəcək.