Birja

Ana səhifə

Birja

Qızılın qiyməti hələ də rekord səviyyədən geridədir

20 oktyabr 2009 08:10 (UTC +04:00)

Bakı. Vahab Rzayev – APA-Economics. Dünya bazarında qızılın cari qiymətinin nominal ifadədə rekord səviyyəsinə çatması heç kəsi aldatmamalıdır, çünki inflyasiya nəzərə alınmaqla qiymətlər 1980-ci ildə müşahidə olunmuş rekord səviyyədən hələ də 53% aşağıdır.

«APA-Economics»in «Bloomberg»a istinadən verdiyi məlumata görə, 1980-ci ildə qızılın 1 unsiyasının qiyməti 873 dollara bərabər olub. Nəticədə, cari ilin əvvəlindən qızılın 19% bahalaşmasına baxmayaraq, bu müddət ərzində istehlak qiymətlərinin təxminən 3 dəfə artmasına görə qızılın real dəyəri də ucuzlaşıb. Mütəxəssislərin hesablamalarına görə, 1980-ci ilin səviyyəsi indiki qiymətlərlə 2 287 dollar deməkdir. Qeyd edək ki, 1980-ci ildə qızılın orta qiyməti 650 dollara bərabər olub:

Yaxın perspektivə gəldikdə, dünyanın ən iri ölkələri, ilk növbədə ABŞ-da dövlət borcunun rekord səviyyəyə çatması, faiz dərəcələrinin sıfıra yaxınlaşması qızılın qiymətinin yüksəlməsinə səbəb olur və investorlar bu tendensiyanın davamını gözləyir.