Birja

Ana səhifə

Birja

Dow Jones indeksi 0,5%, S&P 500 0,3%, Nasdaq 0,5% enib

01 aprel 2010 06:54 (UTC +04:00)

Bakı. Vahab Rzayev - APA-Economics. Martın 31-də Amerika fond bazarında Dow Jones indeksi 0,5% - 10 857 bəndədək, S&P 500 0,3% - 1 169 bəndədək, Nasdaq isə 0,5% - 2 398 bəndədək enib. «APA-Economics»in məlumatına görə, martın 31-də açıqlanan makroiqtisadi göstəricilər ABŞ fond bazarına mənfi təsir edib.
Avropa fond bazarlarında martın 31-də FTSE 100 indeksi 0,1% - 5 680 bəndədək yüksəlib, Fransa CAC-40-ı 0,3% - 3 974 bəndədək enib, Almaniya DAX-ı isə 0,2% - 6 154 bəndədək yüksəlib. Avropada «Lloyds»un səhmləri 0,5%, «Barclays»ın səhmləri 1,1%, UBS-in səhmləri 1,5%, «Rio Tinto»un səhmləri 1,1%, «BHP Billiton»un səhmləri 1,9%, «Xstrata»nın səhmləri 3,5% ucuzlaşıb.
Martın 31-də NYMEX-də qızılın bir unsiyasının qiyməti 0,7% artaraq 1 112,9 dollara bərabər olub.
Dünya bazarında avronun dollara qarşı məzənnəsi 1,3503 dollar (+0,8%) təşkil edir.