Birja

Ana səhifə

Birja

Dow Jones indeksi 3,2%, S&P 500 3,2%, Nasdaq 3,4% enib

07 may 2010 07:06 (UTC +04:00)

Bakı. Vahab Rzayev - APA-Economics. Mayın 6-da Amerika fond bazarında Dow Jones indeksi 3,2% - 10 520 bəndədək, S&P 500 3,2% - 1 128 bəndədək, Nasdaq isə 3,4% - 2 320 bəndədək enib. «APA-Economics»in məlumatına görə, Yunanıstanda borc böhranının kəskinləşməsi və genişlənməsi barədə narahatlıq səbəbindən ABŞ fond bazarında investorlar bütün riskli aktivləri kütləvi şəkildə satmağa başlayıb və daha təhlükəsiz aktivlərə sərmayə qoyur. Nəticədə, səhmlərin kotirovkaları kəskin enib, dolların məzənnəsi və qızılın qiyməti əks mütənasib şəkildə yüksəlib, ABŞ-ın dövlət istiqrazlarına olan tələbat isə kəskin artıb.
Avropa fond bazarlarında mayın 6-da FTSE 100 indeksi 1,5% - 5 261 bəndədək, Fransa CAC-40-ı 2,2% - 3 556 bəndədək, Almaniya DAX-ı isə 0,8% - 5 908 bəndədək enib.

Mayın 6-da NYMEX-də qızılın bir unsiyasının qiyməti 1,9% artaraq 1 197,3 dollara bərabər olub.
Dünya bazarında avronun dollara qarşı məzənnəsi 1,2712 (-1%) dollar təşkil edir.