Birja

Ana səhifə

Birja

Bu gün BBVB-nin valyuta bölməsində 33,8 mln. dollarlıq əqdlər bağlanılıb

01 iyul 2010 15:37 (UTC +04:00)

Bakı. Nicat Mustafayev – APA-Economics. Bu gün Bakı Banklararası Valyuta Birjasının (BBVB) valyuta bölməsində keçirilən ticarət sessiyalarının nəticələrinə görə USD/AZN ortaölçülü məzənnəsi 0,8024 AZN/$1 təşkil edib.

BBVB-dən «APA-Economics»ə verilən məlumata əsasən, BEST sistemində keçirilən səhər sessiyasının açılış məzənnəsi 0,8040 AZN/$1 təşkil edib. USD/AZN T+0 aləti üzrə qeydə alınan əqdlərin həcmi 27 126 900 AZN, sessiyanın nəticələrinə görə isə manatın orta məzənnəsi isə dollara nisbətən 0,8024 AZN təşkil edib.

BEST-in gündüz sessiyasında USD/AZN T+0 aləti üzrə əqdlər qeydə alınmayıb, manatın orta məzənnəsi isə dollara nisbətən 0,8024 AZN təşkil edib.

Beləliklə, hər iki sessiyanın nəticələrinə görə, BEST-in ümumi həcmi USD/AZN aləti üzrə 33,8 mln. dollar və ya 27 126 900 AZN təşkil edib. Orta hesabla hər sövdələşmənin payına 6,760 mln. dollar düşüb.

USD/AZN T+1, T+2 və SWAP_USD/AZN alətləri üzrə əqdlər bağlanılmayıb.

EUR/AZN T+0 aləti üzrə həcmi 205 min avro təşkil edən, ortaölçülü məzənnəsi isə 1 avro üçün 0,9814 AZN-ə bərabər olan əqd qeydə alınıb.

Rusiya rublu üzrə sifarişlər banklar tərəfindən BEST sisteminə daxil edilməyib.

Qeyd edək ki, BEST sistemində fəaliyyət göstərən mütəşəkkil banklararası kredit bazarında market-meyker statusu alan banklar tərəfindən 90 günlük alət üzrə verilən sifarişlər əsasında hesablanan BakİBOR indeksi manat vəsaitləri üzrə illik 16,17%, ABŞ dolları üzrə isə illik 17,36% təşkil edib. Gün ərzində kredit alətləri üzrə banklar arasında əqdlər qeydə alınmayıb.