Birja

Ana səhifə

Birja

BFB-da 10100731S seriyalı 5 mln. manatlıq DQİ emissiyası yerləşdirilib

01 mart 2011 15:14 (UTC +04:00)

Bakı. Nicat Mustafayev – APA-Economics. Bu gün Bakı Fond Birjasında (BFB) Azərbaycan Maliyyə Nazirliyinin 10100731S seriyalı, dövlət qeydiyyatından keçmiş, dövlət istiqrazlarının yerləşdirilməsi üzrə hərrac keçirilib.

BFB-dan «APA-Economics»ə verilən məlumata görə, 4 investor tərəfindən təqdim olunmuş sifarişlərin nominal üzrə ümumi həcmi 18 509 800 manat təşkil edib. Sifarişlər 99,83% (gəlirlik 1,78%) – 99,90% (gəlirlik 1,04%) qiymət intervalında təqdim olunub. İstiqraz vərəqələrinin rəqabətli sifariş üzrə kəsmə qiyməti 99,89% (gəlirlik 1,15%), orta ölçülmüş qiymət isə emitent tərəfindən 99,90% (gəlirlik 1,04%) səviyyəsində müəyyənləşdirilib. Nəticədə, istiqrazların nominal üzrə reallaşdırılmış həcmi, o cümlədən 1 000 600 manat həcmində qeyri-rəqabətli sifarişlər daxil olmaqla, 5 mln. manat məbləğində müəyyən edilib.

Qeyd edək ki, bu DQİ buraxılışı üzrə öhdəliklər emitent tərəfindən 2011-ci ilin aprelin 5-də icra olunacaq.