Birja

Ana səhifə

Birja

Dow Jones indeksi 2,5%, S&P 500 2,9%, Nasdaq 2,0% enib

22 sentyabr 2011 06:50 (UTC +04:00)

Bakı. Vahab Rzayev – APA-ECONOMICS. Sentyabrın 21-də Amerika fond bazarında Dow Jones indeksi 2,5% - 11 125 bəndədək, S&P 500 2,9% - 1 167 bəndədək, Nasdaq 2,0% - 2 538 bəndədək enib. «APA-ECONOMICS»in məlumatına görə, ABŞ fond bazarında mənfi dinamika Federal Ehtiyat Sisteminin bəyanatında sonra yaranıb. Belə ki, FES öz portfelində uzunmüddətli istiqrazların payının artırılmasını və ipoteka bazarını dəstəklənməsi üzrə bir sıra tətbirlərin həyata keçirilməsi barədə bəyanat verib. Bu xəbərlər bazar iştirakçıları tərəfindən ölkə iqtisadiyyatında problemlərin hələ də qalması əlaməti kimi qiymətləndirilib.

Avropa fond bazarlarında sentyabrın 21-də FTSE 100 indeksi 1,4% - 5 288 bəndədək, Almaniya DAX-ı 2,5% - 5 434 bəndədək, Fransa CAC-40-ı isə 1,6% - 2 936 bəndədək enib.

NYMEX-də qızılın bir unsiyasının qiyməti 1,9% artaraq 1 780,6 dollara bərabər olub.

Dünya bazarında avronun dollara qarşı məzənnəsi 1,3547 (-1,3%) dollar təşkil edir.