Noyabrın 12-də dünya fond bazarlarında qarışıq dinamika qeydə alınıb. ABŞ-da bütün əsas indekslər ucuzlaşıb, Avropada əsasən yüksəliş, Asiya-Sakit okean regionunda isə fərqli istiqamətlərdə dəyişikliklər müşahidə olunub.
“APA-Economics” xəbər verir ki, ABŞ-da “Dow Jones” indeksi 189,40 bənd və ya 0,36% azalaraq 52 297,09 bəndə düşüb. “S&P 500” indeksi 26,98 bənd və ya 0,35% geriləyərək 7 592,40 bəndə, “Nasdaq Composite” indeksi isə 100,10 bənd və ya 0,39% azalaraq 25 366,09 bəndə enib.
“NYSE Composite” indeksi 0,74% azalaraq 24 466,97 bənd, Kanadanın “S&P/TSX Composite” indeksi isə 0,75% geriləyərək 36 137,20 bənd təşkil edib.
Avropa fond bazarlarında əsasən müsbət dinamika qeydə alınıb. “Euro Stoxx 50” indeksi 0,09% artaraq 6 398,98 bəndə, Böyük Britaniyanın “FTSE 100” indeksi 0,25% yüksələrək 10 863,09 bəndə çatıb.
Almaniyanın “DAX” indeksi 0,41% artaraq 26 771,88 bənd, Fransanın “CAC 40” indeksi 0,34% yüksələrək 8 361,36 bənd təşkil edib. İspaniyanın “IBEX 35” indeksi isə 0,31% azalaraq 19 965,50 bəndə düşüb.
Asiya-Sakit okean regionunda qarışıq dinamika müşahidə olunub. Yaponiyanın “Nikkei 225” indeksi 434,14 bənd və ya 0,71% artaraq 61 253,50 bəndə, “TOPIX” indeksi isə 0,19% yüksələrək 3 944,94 bəndə çatıb.
Honq-Konqun “Hang Seng” indeksi 0,95% azalaraq 23 780,58 bəndə, Çinin “CSI 300” indeksi isə 0,05% geriləyərək 4 042,05 bəndə düşüb.
Avstraliyanın “S&P/ASX 200” indeksi 0,62% azalaraq 9 090,00 bənd təşkil edib. Regionun ümumi “MSCI AC Asia Pacific” indeksi isə 0,89% geriləyərək 255,05 bəndə enib.
Analitiklərin qiymətləndirmələrinə görə, ABŞ fond bazarlarında enişə “Nvidia” səhmlərinin ucuzlaşması, süni intellekt sektorundakı qeyri-müəyyənlik və FED-in faiz artımı ilə bağlı gözləntilər təsir göstərib. Avropada isə şirkətlərin müsbət maliyyə nəticələri və enerji qiymətlərinin əvvəlki yüksək səviyyələrdən aşağı olması indekslərin yüksəlişini dəstəkləyib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
