Birja

Ana səhifə

Birja

İnvestAZ “Ən yaxşı maliyyə ticarət platforması” seçilib

13 may 2014 11:51 (UTC +04:00)

Bakı – APA-Economics. İnvestAZ şirkəti 10-11 May 2014-cü il tarixlərində Səudiyyə Ərəbistanında keçirilən 6-cı “Saudi Money Expo and Conference” tədbirində “Ən yaxşı maliyyə ticarət platforması” nominasiyası üzrə qalib elan olunub.

“APA-Economics”in məlumatına görə, dünyanın aparıcı maliyyə qurumlarının nümayəndələrinin iştirak etdiyi tədbirdə, şirkətin təqdim etdiyi platforma səsvermə nəticəsində birinci yerə layiq görülüb.

Qeyd edək ki, InvestAZ şirkəti Azərbaycan Respublikasının Qiymətli Kağızlar Dövlət Komitəsi tərəfindən lisenziyalaşdırılmış investisiya şirkətidir. Şirkət eyni zamanda Türkiyədə də tam lisenziyalaşmış maliyyə və broker xidmətləri göstərən eyni adlı qurumla təmsil olunur. Bakı Fond Birjası və Borsa İstanbulun səhmdarı və üzvüdür.

Şirkətin əsas xidmətləri arasında:

- Broker fəaliyyəti üzrə (Səhmlər, Foreks, CFD, Fyuçerslər və Əmtəələr) dünya və yerli bazarlara çıxış imkanı;

BFB və BİS birjalarında Listinq və Kütləvi Yerləşdirmə xidmətləri üzrə eyni zamanda çıxış imkanı;

- Aktivlərin İdarə Edilməsi üzrə Portfel və Fond idarəçiliyi;

- İnvestorların maarifləndirilməsi və treyninqlərin təşkili.