Bakı. Musa Əhmədov - APA-Economics. Bu ilin yanvar-oktyabr ayları ərzində Qiymətli Kağızlar üzrə Dövlət Komitəsinə (QKDK) 465 səhmdar cəmiyyət barəsində şikayət daxil olub.
QKDK-dan “APA-Economics”ə verilən məlumata görə, ötən ilin müvafiq dövrü ilə müqayisədə şikayət olunmuş səhmdar cəmiyyətlərin sayı 8% artıb. Başqa sözlə, ötən ilin 9 ayında QKDK-ya 429 səhmdar cəmiyyət barəsində şikayət daxil olub.
Bu müddət ərzində komitəyə daxil olmuş şikayətlərin sayı 8% artaraq 280-ə çatıb.
Hesabat dövründə səhmdar cəmiyyətlərə qarşı 424 000 manat məbləğində 347 cərimə tətbiq olunub. 2013-cü ilin III rübü ilə müqayisədə cərimələrin sayı 33% azalsa da, cərimənin məbləği 3 dəfə artıb. Belə ki, ötən ilin yanvar-oktyabr aylarında səhmdar cəmiyyətlərə qarşı tətbiq olunan cərimələrin sayı 518, məbləği isə 140 400 manat olub.
Bu ilin 9 ayında QKDK tərəfindən 84 icrası məcburi göstəriş verilib. Bu ötən ilin eyni dövründəkindən 19% azdır.
Əgər 2013-cü ilin III rübü ərzində komitəyə təqdim olunan illik hesabatların sayı 450 olubsa, cari ilin eyni dövründə bu göstərici 473-ə yüksəlib. Başqa sözlə, müqayisə olunan dövrdə komitəyə təqdim olunan illik hesabatların sayında 5%-lik artım qeydə alınıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
