Bakı. Vahab Rzayev – APA-Economics. İyulun 3-də Amerika fond bazarında Dow Jones indeksi 0,4% - 14 989 bəndədək, S&P 500 0,1% - 1 615 bəndədək, Nasdaq 0,3% - 3 444 bəndədək yüksəlib. «APA-Economics»in məlumatına görə, ABŞ fond bazarında indekslərin yüksəlməsinə əmək bazarı üzrə müsbət statistika təsir edib. Belə ki, iyun ayında ölkənin özəl sahəsində 188 min yeni iş yeri açılıb ki, bu da həm mayın göstəricisindən, həm də proqnozlardan çox olub. Bundan əlavə məlum olub ki, ötən həftə ərzində işsizlik üzrə ilkin müraciətlərin sayı azalıb ki, bu da investorlar tərəfindən müsbət qarşılanıb.
Avropa fond bazarlarında iyulun 3-də FTSE 100 indeksi 1,2% - 6 216 bəndədək, Almaniya DAX-ı 1,0% - 7 829 bəndədək, Fransa CAC-40-ı 1,1% - 3 702 bəndədək enib.
COMEX-də qızılın bir unsiyasının qiyməti 0,1% artaraq 1 253,4 dollara bərabər olub.
Dünya bazarında avronun dollara qarşı məzənnəsi 1,2994 (-0,1%) dollar təşkil edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
