Bakı. Vahab Rzayev – APA-Economics. Martın 11-də Amerika fond bazarında Dow Jones indeksi 0,4% - 14 447 bəndədək, S&P 500 0,3% - 1 556 bəndədək, Nasdaq 0,3% - 3 253 bəndədək yüksəlib. «APA-Economics»in məlumatına görə, ABŞ fond bazarında kotirovkaların yüksəlməsinə bazarda müşahidə olunan ümumi pozitiv təsir edib. O cümlədən, əmək bazarı barədə müsbət statistikasını və Federal Ehtiyat Sisteminin iqtisadiyyatın stimullaşdırılması üzrə proqramın davam etdirilməsi barədə ehtimalları qeyd etmək olar.
Avropa fond bazarlarında martın 11-də FTSE 100 indeksi 0,3% - 6 504 bəndədək yüksəlib, Almaniya DAX-ı 0,03% - 7 984 bəndədək, Fransa CAC-40-ı 0,1% - 3 836 bəndədək enib.
COMEX-də qızılın bir unsiyasının qiyməti 0,2% artaraq 1 582,4 dollara bərabər olub.
Dünya bazarında avronun dollara qarşı məzənnəsi 1,3027 (+0,2%) dollar təşkil edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
