Bakı. Vahab Rzayev – APA-Economics. Oktyabrın 30-da Amerika fond bazarında Dow Jones indeksi 0,4% - 15 619 bəndədək, S&P 500 0,5% - 1 763 bəndədək, Nasdaq 0,6% - 3 931 bəndədək enib. «APA-Economics»in məlumatına görə, ABŞ fond bazarında indekslərin enməsinə Federal Ehtiyat Sisteminin qərarları fonunda baş verib. Belə ki, FES-in iclasında baza faiz dərəcələrinin 0-0,25% dəhlizində saxlanılması və dövlət və ipoteka istiqrazlarının 85 mlrd. dollar həcmində geri alınması proqramının davam etdirilməsi barədə qərarlar qəbul edilib.
Avropa fond bazarlarında oktyabrın 30-da FTSE 100 indeksi 0,04% - 6 778 bəndədək yüksəlib, Almaniya DAX-ı 0,1% - 9 010 bəndədək, Fransa CAC-40-ı isə 0,1% - 4 274 bəndədək enib.
COMEX-də qızılın bir unsiyasının qiyməti 0,3% azalaraq 1 339,80 dollara bərabər olub.
Dünya bazarında avronun dollara qarşı məzənnəsi 1,3695 dollar (-0,3%) təşkil edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
