Bakı. Vahab Rzayev – APA-Economics. Fevralın 19-da Amerika fond bazarında Dow Jones indeksi 0,6% - 16 041 bəndədək, S&P 500 0,7% - 1 829 bəndədək, Nasdaq 0,8% - 4 238 bəndədək enib. «APA-Economics»in məlumatına görə, ABŞ-da fond indekslərinin enməsi Federal Ehtiyat Sisteminin yanvar ayında keçirilmiş iclasın protokollarının dərc edilməsindən sonra baş verib. Belə ki, protokollara əsasən, ölkədə makroiqtisadi vəziyyət yaxşılaşır, o cümlədən bu, istehlak və investisiyaların artmasında özünü büruzə verir. Bu səbəbdən də istiqrazların geri alınması proqramının bağlanmasının sürətləndirilməsi ehtimalları artır.
Avropa fond bazarlarında fevralın 19-da FTSE 100 indeksi 0,01% - 6 797 bəndədək yüksəlib, Almaniya DAX-ı 0,1% - 9 653 bəndədək enib, Fransa CAC-40-ı isə 0,2% - 4 341 bəndədək yüksəlib.
COMEX-də qızılın bir unsiyasının qiyməti 0,6% azalaraq 1 310,20 dollara bərabər olub.
Dünya bazarında avronun dollara qarşı məzənnəsi 1,3755 dollar (-0,1%) təşkil edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
