Bakı. Vahab Rzayev – APA-Economics. Aprelin 17-də Amerika fond bazarında Dow Jones indeksi 0,9% - 14 619 bəndədək, S&P 500 1,4% - 1 552 bəndədək, Nasdaq 1,8% - 3 205 bəndədək enib. «APA-Economics»in məlumatına görə, ABŞ fond bazarında indekslərin enməsinə korporativ hesabatlar səbəb olub. İndekslərin daha güclü enməsinə müəyyən dərəcədə Federal Ehtiyat Sisteminin hesabatı mane olub. Belə ki, FES-in hesabatına görə, ölkənin bütün 12 iqtisadi dairələrində bu il iqtisadi artım müşahidə olunub.
Avropa fond bazarlarında aprelin 17-də FTSE 100 indeksi 1,0% - 6 244 bəndədək, Almaniya DAX-ı 2,3% - 7 503 bəndədək, Fransa CAC-40-ı 2,3% - 3 599 bəndədək enib.
COMEX-də qızılın bir unsiyasının qiyməti 1,4% azalaraq 1 363,7 dollara bərabər olub.
Dünya bazarında avronun dollara qarşı məzənnəsi 1,3056 (+0,2%) dollar təşkil edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
