Bakı – APA. Azərbaycanın xarici işlər naziri Elmar Məmmədyarov Münhen Təhlükəsizlik Konfransında iştirakı çərçivəsində Bosniya və Herseqovinanın xarici işlər naziri Zlatko Lagumdzija ilə görüş keçirib.
Xarici İşlər Nazirliyinin mətbuat xidmətindən APA-ya verilən məlumata görə, görüş əsnasında ikitərəfli əlaqələrin inkişaf perspektivləri, xüsusilə enerji və investisiyalar sahəsində əməkdaşlıq imkanları ətrafında fikir mübadiləsi aparılıb.