Bakı. Anaxanım Hidayətova-APA. İyunun 23-24-də Bakıda “Azərbaycan və Mərkəzi Asiya” beynəlxalq səhiyyə konfransı keçiriləcək.
APA-nın məlumatına görə, konfransda Azərbaycan, Qazaxıstan və Xəzər regionundan 40-dək mütəxəssis iştirak edəcək.
Tədbir çərçivəsində iştirakçılar səhiyyə nazirlikləri, klinikaların direktorları, distribyutorlar və səhiyyə işçiləri arasında əlaqələrin genişləndirilməsini, habelə tibbi xidmətlərin göstərilməsində müasir texnologiyların rolunu və digər məsələləri müzakirə edəcəklər.