Bakı. Etibar Məmmədov - APA. “Müsavat Partiyası Milli Şuranı müxalifətçi kimi yox, müxalifəti dağıdan, ona zərbə vuran bir təşkilat kimi tərk edib”.
APA-nın məlumatına görə, bunu AXCP sədrinin müavini Fuad Qəhrəmanlı Milli Şuranın sessiyasındakı çıxışı zamanı deyib.
F. Qəhrəmanlı qeyd edib ki, cəmiyyət artıq Müsavat Partiyasının Milli Şuradan çıxmasını qınayıb: “Müsavat Partiyasının Milli Şuradan qoparılmasında məqsəd qurumu zəiflətmək oldu”.
F.Qəhrəmanlı əlavə edib ki, Milli Şura yenidən strukturlaşmalı, Koordinasiya Şurası yaradılmalı və komissiyalar yenidən formalaşdırılmalıdır.