Bakı. Aqşin Rafiqoğlu - APA-Economics. Gürcüstandan Azərbaycana qeyri-qanuni yolla mobil telefonların keçirilməsinin qarşısını alıb.
Dövlət Gömrük Komitəsindən “APA-Economics”ə verilən məlumata görə, Balakən Gömrük İdarəsinin əməkdaşları ölkəyə qeyri-qanuni yolla mobil telefonların keçirilməsinin qarşısını alıb.
Belə ki, Gürcüstan istiqamətindən “Mazımçay” gömrük postuna daxil olan Azərbaycan vətəndaşı Rəhimov Elxan Məhəmməd oğlunun idarə etdiyi “Hyundai accent” markalı, 10-OS-527 dövlət nömrə nişanlı nəqliyyat vasitəsinə gömrük baxışı həyata keçirilib. Yoxlama zamanı avtomobilin arxa oturacağının altından, həmin nəqliyyat vasitəsində sərnişin kimi gələn Rəsullu Zaur Mehman oğluna məxsus, gömrük nəzarətindən gizlədilən 8 ədəd “Sony” markalı mobil telefonlar aşkar olunaraq götürülüb.
Faktla bağlı təhqiqat aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
