Bakı. Fuad Cəfərov, Ağəddin Babayev - APA. Lənkəran rayonunda balıqçı Xəzər dənizində boğulub. Lənkəran Şəhər Polis İdarəsindən APA-ya verilən məlumata görə, hadisə rayonun Sütəmurdov kəndində qeydə alınıb. Kənd sakini, 1957-cı il təvəllüdlü Afərin Mikayıl oğlu Vəliyev aprelin 24-də dənizdə balıq tutarkən suya düşərək boğulub. Hadisə yerinə cəlb olunan Fövqəladə Hallar Nazirliyinin (FJN) Cənub Regional Mərkəzinin və Dövlət Sularda Xilasetmə Xidmətinin dalğıc-xilasediciləri axtarışlardan sonra aprelin 25-də axşam saatlarında Afərin Vəliyevin meyitini dəniz sahilindən təxminən 100 metr aralıda taparaq ailəsinə təhvil veriblər.
Faktla bağlı araşdırma aparılır.