Avstraliyada 4 uşaq olmaqla, 7 nəfər odlu silahdan qətlə yetirilib.
APA-nın ABC News telekanalına istinadən verdiyi məlumata görə, hadisə Osminqton şəhərində baş verib.
İki nəfərin meyiti küçədə, digər 5 nəfərin meyiti isə evdə aşkarlanıb. Şəhər polisinin nümayəndəsi Kris Douson bildirib ki, ölənlərin hamısının cinayətin baş verdiyi evdə yaşadığı güman olunur.
Şübhəli şəxslərin axtarışı aparılmır, çünki polis qətli sui-qəsd kimi nəzərdən keçirir və ölənlərin qohumları ilə əlaqə yaratmağa çalışır.
Ölənlərin kimliyi və yaşı barədə məlumat verilmir.
Qeyd edək ki, bu, 1996-cı ildən ölkədə baş vermiş ən kütləvi güllələnmə hadisəsidir. Ölkənin tarixində ən kütləvi qətl 1996-cı ildə Port-Artur şəhərində baş verib. O vaxt 28 yaşlı kişi kafedə olan müştərilərə odlu silahdan atəş açıb. Nəticədə 35 nəfər ölüb, 22 nəfər yaralanıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
