Bakı. Fərid Mirzəyev – APA. İnsan Hüquqları üzrə Müvəkkilin (Ombudsman) Milli Preventiv Qrupunun (MPQ) üzvləri Bilgəhdəki Müharibə və əmək əlilləri üçün pansionata başçəkmə həyata keçiriblər.
Ombudsman Aparatının mətbuat xidmətindən APA-ya verilən məlumata görə, MPQ üzvləri müəssisənin bütün obyektlərinə, o cümlədən yaşayış və tibb otaqlarına, yeməkxanaya, mətbəxə baş çəkib, sakinlərlə görüşüblər. Onlar burada istifadəyə verilmiş yeni yaşayış binalarının şəraiti, qidalanma, müalicə və rəftarla bağlı razılıqlarını bildiriblər.