Bakı. Yeganə Laçınzadə - APA-Economics. 2016-cı ilin II rübündə Azərbaycandan Gürcüstana birbaşa investisiyaların həcmi 146 mln. dollar təşkil edib.
“APA-Economics” Gürcüstanın Milli Statistika Komitəsinin yaydığı hesabata istinadən xəbər verir ki, bu ilin birinci yarısında Gürcüstanda birbaşa xarici investisiyaların həcmi 446 mln. dollar olub. Bunun 33%-i Azərbaycanın payına düşür. Bununla da Azərbaycan xarici investorların siyahısında birinci yerdə qərarlaşıb.
Daha sonrakı pillələri isə Birləşmiş Krallıq (64 mln. dollar və ya 14%) və Çexiya Respublikası (36 mln. dollar və ya 8%) bölüşür.
Gürcüstana investisiya edən ölkələr sırasında Türkiyə 28 mln. dollarla 4-cü pillədədir.