Məlahət İbrahimqızı erməni deputata cavab verib

melahet ibrahimqizi ermeni deputata cavab verib

“Ermənistandan olan həmkarlarımız, xüsusilə xanım Tandilyan bizdən inciyir ki, guya burada onlara qarşı ittihamlar irəli sürülür. Əslində bizim deməyə sözümüz çoxdur”.

 

APA-nın məlumatına görə, bunu Avronest Parlament Assambleyasının (PA) Sosial məsələlər, təhsil, mədəniyyət, vətəndaş cəmiyyəti komitəsinin sədri, Milli Məclisin deputatı Məlahət İbrahimqızı erməni deputatlara cavab verərkən deyib.

 

Bakıda Avronest PA çərçivəsində “Dayanıqlı İnkişaf Məqsədləri üzrə gender bərabərliyinin və qadın sağlamlığının təşviqinə dair “Şərq Tərəfdaşlığı” ölkələri parlamentlərinin cəlb edilməsi” mövzusunda keçirilən konfransında iştirak edən erməni deputatların iddialarına münasibət bildirən M. İbrahimqızı 25 ildən çoxdur ki, Azərbaycan torpaqlarının Ermənistan tərəfindən işğal altında saxlanıldığını, milyondan çox azərbaycanlının öz torpaqlarından didərgin düşdüyünü xatırladıb: “Bundan başqa, indiyə qədər atəşkəs dövründə 44 körpə uşaq erməni silahlılarının atəşinə tuş gəlib. Bunlardan biri, 2 yaşlı Zəhra iki ay əvvəl öldürüldü. Mən başa düşürəm ki, müharibənin öz qanunları var, amma bu körpələrin günahı nədir? Hər hansı ölkədə əgər körpələr, analar, bacılar güllələrə tuş gəlirsə, o zaman biz hansı davamlı inkişaf məqsədindən danışa bilərik? Hansı əks arqumenti dilə gətirmək mümkün olar? Burada heç kəs heç kəsi ittiham etmədi. Sadəcə, baş verənləri həmkarlarım sadəcə qısa şəkildə dilə gətirdi. Qonşu ölkəyə torpaq iddiası olan, onun ərazilərini işğal edən ölkənin deputatı olaraq siz yaradılan fürsətdən istifadə edərək bizimlə birlikdə oturub fikirləşməlisiniz ki, bunu necə aradan qaldırmaq olar”.

 

Qeyd edək ki, konfrans Milli Məclis, Avronest Parlament Assambleyasının (PA) Sosial məsələlər, təhsil, mədəniyyət, vətəndaş cəmiyyəti komitəsi, Əhali və İnkişaf üzrə Avropa Parlament Forumu və Birləşmiş Millətlər Təşkilatının (BMT) Azərbaycandakı ofisinin birgə təşkilatçılığı ilə keçirilib.

BÖLMƏDƏN DİGƏR XƏBƏRLƏR

XƏBƏR LENTİ

09:15 16 Yanvar
TOP 5

VİDEO XƏBƏRLƏR

FOTO XƏBƏRLƏR

  • bakida ruminiyali bestekar corce eneskunun anim tedbiri kecirilib
    Bakıda rumıniyalı bəstəkar Corce Eneskunun anım tədbiri keçi...
  • avropa azerbaycan mektebi usaqlar ucun maariflendirici tedbir kecirib
    Avropa Azərbaycan Məktəbi uşaqlar üçün maarifləndirici tədbi...
avropa azerbaycan mektebi usaqlar ucun maariflendirici tedbir kecirib avropa azerbaycan mektebi usaqlar ucun maariflendirici tedbir kecirib +2
MƏZƏNNƏ
FOREX
/ 16 Yanvar, 2018

USD
1.7001
 
EUR
2.0859
 
RR
0.0302