Daxili siyasət

Ana səhifə

Daxili siyasət

“AMİP-20: Təkpartiyalı sistemdən çoxpartiyalı sistemə keçid” mövzusunda Dəyirmi Masa keçirilib - FOTO

“AMİP-20: Təkpartiyalı sistemdən çoxpartiyalı sistemə keçid” mövzusunda Dəyirmi Masa keçirilib - <font color=red>FOTO</font>

17 iyul 2012 14:07 (UTC +04:00)

Bakı-APA. Bu gün Beynəlxalq Mətbuat Mərkəzində AMİP-in təşkilatçılığı ilə “AMİP-20: Təkpartiyalı sistemdən çoxpartiyalı sistemə keçid” mövzusunda Dəyirmi Masa keçirilib. APA-nın məlumatına görə, dəyirmi masada çıxış edən AMİP sədri Yusif Bağırzadə partiyanın 3-4 iyul 1992-ci il tarixdə Təsis Qurultayının keçirilməsi və 17 iyul tarixində ilk olaraq dövlət qeydiyyatına alınması barədə məlumat verib. Daha sonra AMİP-in 20 illik tarixini əks etdirən viderolik nümayiş olunub.

Mövzu ilə əlaqədar məruzə edən AMİP Mərkəzi Şura sədri Rəşad Bayramov Azərbaycanın təkrarən dövlət müstəqilliyinə qovuşmasından sonra xalqın qarşısında mühüm, həm də olduqca çətin vəzifələr durduğunu bildirdi. “Bu vəzifələr verilən qurbanlar və gərgin mücadilələr hesabına qazanılmış müstəqilliyi qorumaq, erməni işğalçıları ilə ölüm-dirim müharibəsi aparmaq, dövlətçiliyi qoruyub saxlamaq, dağılmış və bərbad hala düşmüş iqtisadiyyatı bərpa etmək, ölkəni beynəlxalq subyekt kimi tanıtdırmaq, eləcə də, demokratik və hüquqi cəmiyyət qurmaq idi”. Bütün bu çətinliklərin öhdəsindən gəlmək üçün mütəşəkkil və vahid ideya, məqsəd uğrunda birləşəcək strukturların və taşkilatlanmış vahid siyasi qüvvənin olmadığını deyən məruzəçi bu şərtlər daxilində ölkədə bütün məsuliyyətin ağırlığını üzərinə götürə biləcək yeni bir siyasi qurumun yaradılması zamanın diqtəsi olduğunu bildirib.

“Azərbaycan Milli İstiqlal Partiyası Azərbaycanın istiqlalının bərpası ərəfəsində, 15 oktyabr 1991-ci ildə Dövlət televiziyasında partiyanın yaradılması barədə Təşkilat Komitəsinin Bəyannaməsi haqqında məlumat verilməsi və bir gün sonra “Millət” qəzetinin sınaq sayında bu bəyannamənin dərc olunması ilə siyasi səhnədə ilk addımlarını atdı. Bununla da Azərbaycanın cağdaş siyasi tarixində təkpatiyalı siyasi sistemdən çox partiyalı siyasi sistemə keçidin əsası qoyuldu. 3-4 iyul 1992-ci ildə isə AMİP-in Azərbaycan Milli Opera və Balet Teatrının binasında keçirilən 1-ci təsis Qurultayında Partiyanın Məramnamə və Nizamnaməsi, eləcə də 4 bəndən ibarət qətnamə qəbul edilib, Qurultay adından Azərbaycan xalqına müraciət ünvanlanıb, partiyanın strukturları formalaşdırılıb, Etibar Məmmədov sədr olmaqla partiyanın rəhbərliyi seçilib. AMİP 17 iyul 1992-ci ildə Ədliyyə Nazirliyi tərəfindən ilk rəsmi qeydiyyatdan keçən partiya kimi də müstəqil Azərbaycanın tarixə düşüb”.

Tədbirdə həmin dövrdə ədliyyə naziri olmuş İlyas İsmayılov, Ziyalılar Forumunun üzvü, AMİP Mərkəzi Şurasının sabiq sədri Firudin Cəlilov, professor Cəmil Həsənli, ACP sədri Sülhəddin Əkbər, Dünyəvi Bozqurdlar Partiyasının sədri Şakir Ulubəyli, Böyük Azərbaycan Partiyasının sədri, AMİP-in sabiq baş katibi Elşad Musayev, hüquq müdafiəçisi Səadət Bənənyarlı, ALP sədri Əvəz Temirxan, KXCP Ali Məclisinin sədri Bəybala Əbil, AXCP sədrinin müavini Həsən Kərimov, ACP sədrinin müavini Zəminə Dünyamalıyeva və başqaları çıxış edərək AMİP-in keçdiyi şərəfli yolla bağlı təbriklərini çatdırıblar.

Dəyirmi Masanın sonunda çıxış edən AMİP lideri Etibar Məmmədov tədbir iştirakçılarına minnətdarlığını bildirməklə yanaşı indi harda olmasından asılı olmayaraq AMİP-in yaranmasında və fəaliyyətində əməyi olmuş bütün şəxslərə təşəkkürünü bildirib.