Daxili siyasət

Ana səhifə

Daxili siyasət

Mübariz Əhmədoğlu: “Dağlıq Qarabağ münaqişəsinin tənzimlənməsində iki məkan əsas rol oynayır”

24 iyul 2012 12:10 (UTC +04:00)

APA-nın məlumatına görə, bu fikirləri Siyasi İnnovasiya və Texnologiya Mərkəzinin sədri Mübariz Əhmədoğlu keçirdiyi mətbuat konfransında deyib.

Onun sözlərinə görə, Ermənistan hal-hazırda maddi çətinlik yaşayır: “Çünki Rusiya, ABŞ və digər ölkələr Ermənistana pul vermir. Ermənistanın ən çox arxalandığı dövlətlərdən biri də İran idi və o da pulu olmadığı üçün köməklik göstərmir. Brüssel maddi yardım etməyə söz vermişdi. Ona görə də, son vaxtlar Ermənistan Avropa Birliyinə yaxınlaşmaq, dərin siyasət aparmaq niyyətində idi. Onlar Avropa Birliyinə 1.5 milyard avroluq investisiya lahiyələri təqdim ediblər. Plan belə idi ki, Avropa Birliyi Ermənistan üçün donor konfransı keçirməli və 1. 5 milyard avro pul yığmalı idi. Lakin Avropa Birliyi son anda bu lahiyədən imtina etdi. Səbəb isə o idi ki, Ermənistan son parlament seçkilərini qaydasında keçirməyib və Dağlıq Qarabağ münaqişəsinin tənzimlənməsində tərəqqi eldə etməyib. Ona görə də, AB Ermənistana bu məsəllələri həll etmək üçün 2013-cü ilin prezident seçkilərinə kimi vaxt verdi. Bu problemləri həll etmək də Ermənistan üçün qeyri-mümkündür və hesab edirəm ki, donor konfransı mümkün olmayacaq”.

M. Əhmədoğlu bildirib ki, münaqişənin tənzimlənməsində əsas rol oynayan digər məkan isə Moskvadır: “Çünki Rusiya münaqişənin həll olunmasına yardım edə biləcək əsas qüvvədir”.