Daxili siyasət

Daxili siyasət

İctimai Palatanın üzvü: “Koordinasiya Şurası siyasi mübarizənin səngiməsinə rəvac verir”

12 oktyabr 2012 10:38 (UTC +04:00)

Bakı Şəhər İcra Hakimiyyətinin bu cür məhdudlaşdırmalar etməyə hüququ yoxdur, sərbəst toplaşmaq azadlığı təmin olunmalıdır. Paytaxt icra hakimiyyətinin qanunsuz qərarını isə müxalifət icra edir. Bu qanunsuz qərar bizim qərarlarımızın dəyişdirilməsinə səbəb olmamalıdır”.

Bunu APA-ya açıqlamasında Müsavat Partiyası Ali Məclisinin və İctimai Palatanın üzvü Mustafa Hacıbəyli deyib. O bildirib ki, oktyabrın 13-də, ondan əvvəl də bu aksiyaların keçirilməsinin və Milli Məclisin deputatı Gülər Əhmədova ilə bağlı üzə çıxan qalmaqallı məsələyə müxalifətin etirazının bildirməsini istəyib: “Təəssüf ki, bu məsələ İctimai Palatanın Koordinasiya Şurasında müzakirə olunub və qurumun digər üzvləri ilə məsləhətləşmədən yürüşün təxirə salınması barədə qərar verilib. Bu qərardan narazıyam”.

M. Hacıbəyli qeyd edib ki, ötən sessiyada da aksiyaların təxirə salınmasına etiraz edib: “Prezident seçkilərinə bir il qalıb. Görəcəyimiz işlərdən biri də sərbəst toplaşmaq azadlığının təmin olunmasıdır. Kütləvi tədbirlər siyasi mübarizənin tərkib hissəsidir. Bu baxımdan da kütləvi mübarizədən yayınmaq olmaz. Eyni zamanda İctimai Palatanın ötən il qəbul etdiyi qərarlarda da kütləvi tədbirlərin davamlı keçirilməsi və dayandırılmaması göstərilib. Təəssüf ki, siyasi mübarizənin əsas elementindən biri olan aksiyalardan istifadə olunmur, İctimai Palata qəbul etdiyi qərarları təxirə salır. Görünən budur ki, İctimai Palatanın Koordinasiya Şurası çox ehtiyatlı xətt seçərək, faktiki olaraq siyasi mübarizənin səngiməsinə rəvac vermiş olur”.

İP