Azərbaycan Respublikasının Prezidenti yanında Əfv Məsələləri Komissiyasının növbəti iclası keçirilib.
APA xəbər verir ki, bu gün keçirilən iclasda komissiyaya daxil olan müraciətlər müzakirə olunub.
Komissiyanın üzvü Rəşad Məcid APA-ya bildirib ki, iclası Prezident Administrasiyasının rəhbəri, Əfv Komissiyasının sədri Samir Nuriyev açıb: “İclasda 100-dən artıq müraciət müzakirə olundu. Bunlar əsasən ağır cinayətlər, qəsdən adam öldürməyə cəhd, oğurluq, digər cinayətlərdə ittiham olunan şəxslərin müraciətləri idi. Hər bir müraciət müzakirə edildi və komissiya üzvləri tərəfindən münasibət bildirildi. Komissiya növbəti həftələrdə işini davam etdirəcək. Komissiya işini bitirdikdən sonra müsbət rəy almış sənədlər ölkə Prezidentinə təqdim olunacaq. Qarşıdakı aylarda dövlət başçısının növbəti əfv sərəncamının şahidi olacağıq”.
Qeyd edək ki, komissiyanın iclaslarının nəzərdə tutulan əfvlə bağlı keçirildiyi bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
