Bakı. Şəhriyar Əlizadə - APA. Bu gün 1 saylı Bakı İnzibati-İqtisad Məhkəməsində İctimai Palatanın (İP) Bakı Şəhər İcra Hakimiyyətinə (BŞİH) qarşı iddiası əsasında məhkəmə prosesi başa çatıb.
Demokratiya və İnsan Hüquqları Resurs Mərkəzinin hüquqşünası Ruslan Mustafazadənin APA-ya verdiyi məlumata görə, prosesdə qərar elan olunub. Qərara əsasən, iddia təmin olunmayıb.
Qeyd edək ki, İP dekabrın 10-da Milli Məclisin qarşısında “Saxta parlament buraxılsın!” şüarı ilə piket keçirməyə icazə verilməsi ilə bağlı BŞİH-ə müraciət edib. Lakin BŞİH piketə icazə verməyib. Bundan sonra İP icra hakimiyyətinin qərarının qanunsuz hesab olunması və təşkilatçılara dəymiş ziyana görə 2 min manat təzminat ödənilməsi barədə iddia ilə məhkəməyə müraciət edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
