Bakı. Ramil Məmmədli – APA. Klassik Xalq Cəbhəsi Partiyası (KXCP) İdarə Heyətinin iclası keçirilib. Partiyanın mətbuat xidmətindən APA-ya verilən məlumata görə, iclasda noyabrın 17-də Bakının “Fəvvarələr meydanı”nıda keçirilən aksiya iştirakçılarına qarşı polis zorakılığı pislənilib və həbs edilənlərin azadlığa buraxılması tələb edilib.
KXCP İsrail ordusunun Qəzzanı bombalamasını pisləyib, münaqişənin beynəlxalq hüquq çərçivəsində danışıqlar yolu ilə həll olunmasına və regionda sülhün bərqərar edilməsinə çağırıb. Yığıncaqda Rusiyanın Azərbaycanla bağlı yeritdiyi siyasətlə bağlı bəyanat qəbul edilib. Bəyanatda KXCP bu vəziyyətdə milli dövlətçiliyə sadiq bütün qüvvələrin vahid mövqedən - milli dövlətçilik mövqeyindən çıxış etməsini təklif edib, milli maraqlardan kənar çıxış edən qüvvələrlə əməkdaşlıq etməməyə çağırıb.
İclasda “Sərbəst toplaşmaq azadlığı haqqında” qanununa dəyişikliklərlə bağlı məsələyə də münasibət bildirilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
