Bakı. Ramil Məmmədli - APA. Müsavat Partiyası Bakı Şəhər İcra Hakimiyyətini məhkəməyə verib.
Müsavat Partiyası başqanının müavini, İctimai Palatanın katibi Gülağa Aslanlının APA-ya verdiyi məlumata görə, buna səbəb partiyanın dekabrın 10-da Milli Məclisin binası qarşısında piketin keçirilməsi ilə bağlı müraciətinə mənfi cavab verilməsi olub.
G.Aslanlı deyib ki, BŞİH-in cavabının hüquqi tərəflərinin araşdırılması və paytaxt rəhbərliyinin cavabının qanunsuz olması, o cümlədən cərimənin ödənilməsi tələbi ilə 1 saylı Bakı İnzibati-İqtisadi Məhkəməsinə şikayət edilib.
Qeyd edək ki, Müsavat Partiyası dekabr 10-da saat 14.00-dan 15.00-dək Milli Məclisin binası qarşısında piketin keçirməyi planlaşdırıb. Bu aksiya İctimai Palata tərəfindən də dəstəklənib. Paytaxt rəhbərliyi isə piketin keçirilməsini məqsədəuyğun saymayıb.
Sonradan İP üzvləri MM-in qarşına deyil, Fəvvarələr meydanına toplaşıblar.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
