Bu barədə APA-ya Müsavat Partiyasının Ağcabədi rayon təşkilatının özək sədri Mehman Məmmədov məlumat verib. M. Məmmədov deyib ki, onunla bərabər Müsavat Partiyası Ağcabədi rayon təşkilatının daha 3 üzvü - Tariyel Mirzəyev, İmdad Məmmədov və Adışirin Əliyev də AXCP-yə keçib.
M. Məmmədov qeyd edib ki, bu günə qədər AXCP-nin Ağcabədidə rayon təşkilatı olmayıb. Onların və digər şəxslərin təşəbbüsü ilə AXCP-nin rayon təşkilatının yaradılması üzrə Təşkilat Komitəsi də yaradılıb: “Belə hesab etdik ki, bundan sonra siyasi fəaliyyətimizi AXCP-də davam etdirək. Çünki bu təşkilatın siyasi xətti bizim baxışlarımızla üst-üstə düşür”.
M. Məmmədov atdıqları addımın Müsavat Partiyasında narahatlıqla qarşılanmasını istəmədiyini də söyləyib: “Bizim Müsavat Partiyasında heç bir problemimiz olmayıb. Sadəcə, son vaxtlar AXCP-nin siyasi xəttinin daha düzgün olduğunu düşünürük”.
Müsavat Partiyası başqanının müavini Gülağa Aslanlı isə APA-ya adıçəkilən şəxslərin partiyanı tərk etməsindən xəbərsiz olduğunu deyib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
