Bakı. Şəhriyar Əlizadə - APA. İşgəncələrə Qarşı Azərbaycan Komitəsinin sədri, hüquq müdafiəçisi Elçin Behbudov və köməkçisi Rövşən Məmmədov Salyan və Biləsuvar Rayon Polis şöbələrinin müvəqqəti saxlanma yerində monitorinq keçiriblər.
Bu barədə APA-ya məlumat verən E. Behbudov bildirib ki, Salyan Rayon Polis Şöbəsinin müvəqqəti saxlanma yeri təmir olunub: “Hər iki rayonda saxlanılanların əksəriyyəti oğurluqda və narkotik dövriyyəsində şübhəli bilinən şəxslərdir. Saxlanma şəraitindən və onlara qarşı münasibətdən şikayətləri yoxdur. Xırda nöqsanları nəzərə almasaq, ciddi qanun pozuntusu aşkar olunmadı”.
E. Behbudov bu gün Müdafiə Nazirliyinin Salyanda yerləşən intizam xarakterli “N” saylı hərbi hissəsində də monitorinq keçirəcəklərini deyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
