Digər xəbərlər

Ana səhifə

Digər xəbərlər

Amerikalı tədqiqatçı Custin Makkarti: “Ermənilər Dağlıq Qarabağı Ermənistana birləşdirmək istəyirlərsə, o zaman tarixi Azərbaycan torpaqlarını qaytarmalıdırlar”

06 iyun 2008 10:00 (UTC +04:00)

APA-nın məlumatına görə, bu açıqlamanı jurnalistlərə Bakıda səfərdə olan Luisvill Universitetinin professoru, qondarma “erməni soyqırımı” iddialarını ifşa edən amerikalı tədqiqatçı Custin Makkarti verib. O, ermənilərin tarix boyu türklərlə mənfi münasibətdə olduğunu bildirib: “Bundan başqa ermənilərin uzun illər ərzində formalaşdırdığı güclü diasporu mövcuddur, bu amildə öz rolunu oynayır. Təəssüf ki, bu situasiyanı dəyişmək çox çətindir”. Tədqiqatçı bildirib ki, tarixçilərin əsas məqsədi həqiqəti üzə çıxarmaq, türklərlə azərbaycanlıların hədəfi isə bu həqiqətləri dünya ictimaiyyətinin diqqətinə çatdırmaqdır. Custin Makkarti ermənilərin Dağlıq Qarabağ iddiasına da münasibət bildirib: “Əgər ermənilər hesab edirlər ki, Dağlıq Qarabağ Ermənistana birləşdirilməlidir, o zaman nəzərə almalıdırlar ki, Ermənistan torpaqlarının böyük əksəriyyəti tarixi Azərbaycan torpaqlarıdır və bu torpaqlar da Azərbaycana qaytarılmalıdır”.

Dağlıq_Qarabağ