Digər xəbərlər

Digər xəbərlər

Bernar Fasie: “Hazırda əsas vəzifəmiz hər iki tərəfin təkliflərini nəzərə alaraq baza prinsipləri üzərində işi başa çatdırmaqdır”

12 iyun 2008 13:11 (UTC +04:00)

Bunu APA-ya açıqlamasında ATƏT-in Minsk Qrupunun fransalı həmsədri Bernar Fasie deyib. O bildirib ki, həmsədrlər məhz bu məqsədlə bölgəyə növbəti səfər edəcəklər: “Yaxın günlərdə səfərimizin vaxtı dəqiqləşəcək. Biz həm Bakıda, həm də İrəvanda olmaq istəyirik, amma bunun alınıb-alınmayacağına əmin deyilik. Hər şey xarici işlər nazirlərinin və prezidentlərin iş qrafikindən asılıdır”. Ermənistanın yeni rəhbərliyinin mövqeyində hansısa yeni məqamların olub-olmadığına dair sualı cavablandıran B. Fasie qeyd edib ki, bunu tam aydınlaşdırmaq üçün İrəvana getməyə ehtiyac var: ”Hazırda həmsədrlərin əsas vəzifəsi hər iki tərəfin təkliflərini nəzərə alaraq baza prinsipləri üzərində işi başa çatdırmaqdır”. B. Fasie danışıqlarda bəzi yeni məqamların olduğunu desə də, əlavə açıqlama verməyib. Onun sözlərinə görə, həmsədrlərin öz işini başa çatdırması üçün o qədər də çox vaxt lazım deyil: “İndiki vəziyyətdə məqsədimiz bəllidir - biz Azərbaycan və Ermənistan xarici işlər nazirlərinin, dövlət başçılarının yeni görüşlərini təşkil edəcəyik”.

Dağlıq_Qarabağ