Bakı – APA. İqtisadi inkişaf naziri Şahin Mustafayev sentyabrın 25-də Niderland Krallığının Azərbaycandakı səfiri Robbert Qabriyelseni qəbul edib.
APA-nın məlumatına görə, görüşdə yeni təyin olunmuş səfirə ölkələrimiz arasında mövcud iqtisadi əlaqələr, Azərbaycan iqtisadiyyatı barədə geniş məlumat verilib, ikitərəfli iqtisadi əməkdaşlığın genişləndirilməsi perspektivləri barədə fikir mübadiləsi aparılıb.