Bakı-APA. Suriya ordusunun ölkənin şimalında yerləşən Rakka şəhərinə endirdiyi hava zərbəsi nəticəsində azı 14 dinc sakin ölüb. APA-nın “BBC”yə istinadən verdiyi xəbərə görə, bu barədə beynəlxalq Human Rights Watch təşkilatı məlumat yayıb. Məlumata görə, zərbə nəticəsində ən çox ziyan yerli məktəbə dəyib.
Təşkilatın hesabatında bildirilir ki, üsyançıların silahlı qüvvələri qeyd olunan ərazidə çox az sayda təmsil olunub. Bu səbəbdən də təşkilat ehtimal edir ki, hücumun əsas hədəfi məhz məktəb olub.
Hesabatda həmçinin qeyd olunur ki, hadisə yerində çəkilmiş videoyazılara əsasən, yaralananların yanıq xəsarətləri daha geniş dağıdıcı qüvvəyə malik olan vakuum bombalarından istifadə olunduğunu ehtimal etməyə əsas verir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
