Döyüş növləri

Ana səhifə

Döyüş növləri

Füzuli Cavadov: “Vaqifin “Kocaelispor” klubuna transferi Yevgeni Ginerdən asılıdır”

19 yanvar 2007 15:59 (UTC +04:00)

Türkiyənin Liq A kateqoriyası təmsilçisi “Kocaelispor” komandasına keçidi gözlənilən Azərbaycan yığmasının hücumçusu Vaqif Cavadovun məxsus olduğu Moskvanın MOİK klubundan gedişi hələlik reallaşmayıb. Futbolçunun atası Füzuli Cavadovun APA-ya verdiyi məlumata görə, oğlunun transferi ilə bağlı bu gün MOİK klubunun idman direktoru Vladimir Salkovla görüşüb: “Salkov Vaqifin məsələsinin həllinin ondan asııl olmadıgıını bildirdi. O, klub prezidenti Yevgeni Ginerin qayıdışını gözləməyi məsləhət bildi. Salkov oğlumun məsələsi ilə bağlı Ginerlə görüşəcək. Bundan sonra Vaqifin “Kocaelispor”a keçidinin mümkünlüyü bəlli olacaq”.
Qeyd edək ki, “Kocaelispor” yeniyetmə hücumçumuza görə MOİK klubunun tələb etdiyi 100 min dolları ödəmək fikrində deyil. F.Cavadov bu problemi oğlunun ötən yay imzaladıgı sənədlə əlaqələndirib: “Vaqifin moskvalılarla müqaviləsinin müddəti ötən ilin sonunda başa çatıb. Ancaq yayda maaşların artırılması ilə bağlı bir neçə komanda yoldaşı kimi, o da sənədə imza atmışdı. Futbolçu 18 yaşı tamam olmayanadək peşəkar müqaviləyə qol çəkə bilməz. Ancaq Vaqifin həmin maliyyə sənədinə 17 yaşında da imza atmaq hüququna malik olması diqqətimə çatdırıldı. İndi bu imzaya görə oğlumun 2008-ci ilədək MOİK-ə məxsus olduğu deyilir”. /APA/