Döyüş növləri

Ana səhifə

Döyüş növləri

İsgəndər Cavadov: “İlqar Qurbanovla Vaqif Cavadov Azərbaycanda çıxış etməməlidirlər”

29 yanvar 2007 08:51 (UTC +04:00)

“Azərbaycanda futbolun səviyyəsi aşağı olduğundan, İlqar Qurbanovla Vaqif Cavadovun peşəkar futbolçu kimi başqa ölkələrdə çıxış etmələrini istəmişəm. Bu gün bizə xarici klublarda çıxış edən futbolçular lazımdır. Ona görə mən “Vaqif Cavadov Azərbaycana gəlsə, İlqar Qurbanovun gününə düşəcək” demişəm. Yenə də fikrimdə qalıram ki, onlar başqa ölkələrdə çıxış etməlidir”. Bu fikirləri “APA-Sport” agentliyinə verdiyi açıqlamasında veteran futbolçu İsgəndər Cavadov söyləyib. V.Cavadovun Türkiyədə çıxış etməsi üçün çox çalışdığını vurğulayan İ.Cavadovun sözlərinə görə, qardaşı oğlunun qonşu ölkəyə keçidində problemlər yaranıb: “Çox çalışsaq da, cəhdlərimiz səmərəsiz qaldı. Bəzi problemlər var idi”. İ.Cavadov qardaşı oğlunun Azərbaycanda çıxış etməsinin karyerasına mənfi təsir edəcəyini istisna etməyib: “Vaqiflə İlqarın gələcəkləri öz əllərindədir. Hər ikisi milli komandamızın üzvləridir. Onlar yığmada yaxşı çıxış edib xarici klubların şərəfini qorumaq imkanı əldə edə bilərlər”.
Qeyd edək ki, İ.Cavadov İ. Qurbanovun dayısı, V.Cavadovun isə əmisidir. /APA-Sport/