Döyüş növləri

Ana səhifə

Döyüş növləri

“Neftçi” və “Xəzər-Lənkəran” klublarının Tofiq Bəhramov adına stadionda məşq etməsinə icazə verilməyib

15 fevral 2007 12:35 (UTC +04:00)

“Neftçi” və “Xəzər-Lənkəran” klublarının bu gün Tofiq Bəhramov adına Respublika stadionunda məşq etmək planı baş tutmayıb. “APA-Sport” agentliyinin məlumatına görə, “Neftçi” saat 15:00, “Xəzər-Lənkəran” isə 18:00-da ölkənin baş arenasında məşqə çıxmaq niyyətində olsa da, buna imkan yaradılmayıb. Respublika stadionunun direktoru Akif İsmayılov “APA-Sport” agentliyinə açıqlamasında komandaların məşq prosesi keçməsinə imkan yaradılmamasını hava şəraiti ilə əlaqələndirib: “Yağış yağması meydançanın qazonuna təsir göstərib. Sabah bu arenada “Neftçi” və “Xəzər-Lənkəran” klubları arasında qarşılaşma olacaq. Hər iki komanda rəhbərliyi məşqə çıxmayaraq, ot örtüyünün normal vəziyyətdə qalmasını bildirdilər”.
Qeyd edək ki, hazırlıq planlarında dəyişiklik etməli olan “Neftçi” ilə “Xəzər-Lənkəran” bu gün başqa stadionlarında məşq prosesi keçməli olub. “Xəzər-Lənkəran” Bakıdakı təlim-məşq toplanışı zamanı məşqlərini keçdiyi “Ədliyyə” stadionunda hazırlaşdığı halda, “Neftçi” məşq üçün bazasındakı meydançanı seçib. /APA-Sport/