Döyüş növləri

Ana səhifə

Döyüş növləri

“Turan” klubunun keçmiş qapıçısı Nizami Sadıqov Beynəlxalq Futbol Tarixi və Statistikası Federasiyasının rekordlar siyahısına daxil edilib

26 fevral 2007 09:52 (UTC +04:00)

“Turan” klubunun sabiq qapıçısı Nizami Sadıqov Beynəlxalq Futbol Tarixi və Statistikası Federasiyasının (İFFHS) tərtib etdiyi rekordlar siyahısına daxil edilib. “APA-Sport” agentliyinin məlumatına görə, hazırda “Neftçi” komandasında çalışan 40 yaşlı N.Sadıqovun 1993-cü ildə keçirilən Azərbaycan çempionatında martın 20-dən iyulun 7-dək 1106 dəqiqə qapısından top buraxmamağı rekord göstərici sayılıb. Hazırda 377 qapıçının yer aldığı siyahıda N.Sadıqov 19-cu yerdədir. İFFHS-in hesablamalarına görə, veteran qapıçımız bu göstərici ilə hazırda İngiltərənin “Çelsi” klubunun şərəfini qoruyan çexiyalı Peter Çexi qabaqlayır. Siyahıya düşən digər qapıçılarımızdan Cəmaləddin Əliyev (“Qarabağ”, 958 dəqiqə) 52-ci, Elxan Həsənov (“Karvan”, 943 dəqiqə) 57-ci, Dmitri Kramarenko (“Karvan”, 798 dəqiqə) 141-ci, Elşən Poladov (“Bakı”, 744 dəqiqə) 202-ci, Nadir Şükürov (“Dinamo”, 741 dəqiqə) 207-ci pilləni tutur. Ölkəmizdə çıxış edən legioner qapıçılardan “Xəzər-Lənkəran”ın sabiq belaruslu legioneri Aleksandr Martyoşkin 735 dəqiqə ilə 221-ci, hazırda “Bakı” klubunda çıxış edən seneqallı Xalidu Sissoko isə 985 dəqiqə ilə 45-ci pilləni tutur. /APA-Sport/