Azərbaycan taekvondoçusu Eltac Qafarov (74 kq) Bakıda keçirilən dünya çempionatında 1/4 final döyüşünə çıxıb.
Apasport.az saytının məlumatına görə, o, üçüncü döyüşündə xorvatiyalı Marko Qolubiçlə qüvvəsini sınayıb.
Taekvondoçumuz dünya çempionuna 1:2 hesabı ilə məğlub olaraq, mundialla vidalaşıb.
Qeyd edək ki, dünya çempionatı iyunun 4-də başa çatacaq.
***
Saat. 14:34
Azərbaycan taekvondoçusu Eltac Qafarov Bakıda keçirilən dünya çempionatında ikinci döyüşünü keçirib.
Apasport.az saytının məlumatına görə, 74 kq çəki dərəcəsində dayanq üzərinə çıxan təmsilçimiz 1/8 finalda Sebastian Tune (Norveç) ilə döyüşüb.
Görüş Qafarovun 2:0 hesablı qələbəsi ilə başa çatıb. O, 1/4 finalda xorvatiyalı Marko Qoluboçlə münasibətinə aydınlıq gətirəcək.
Qeyd edək ki, dünya çempionatına iyunun 4-də yekun vurulacaq.
***
Saat. 12:06
Bakıda keçirilən taekvondo üzrə dünya çempionatı davam edir.
Apasport.az saytının məlumatına görə, mundialın altıncı günündə Azərbaycan millisinin daha 2 idmançısı mübarizəyə qoşulub.
74 kq çəkidə qüvvəsini sınayan Eltac Qafarov 1/16 finalda Vasilliy Peruniçiçlə (Monteneqro) üz-üzə gəlib. Döyüş taekvondoçumuzun 2:0 hesablı qələbəsi ilə başa çatıb. O, 1/8 finalda norveçli Sebastian Tune ilə döyüşəcək.
62 kq-da qüvvəsini sınayan Fatimə Məcidova da mundailda debüt görüşünə 1/16 finaldan başlayıb. İtaliyalı Kristina Kaspa ilə döyüşən təmsilçimiz məğlubiyyətə üzülüb.
Qeyd edək ki, dünya çempionatı iyunun 4-də başa çatacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
