Filologiya elmləri doktoru professor Şirindil Alışanlı vəfat edib.
Bu barədə APA-ya AMEA Ədəbiyyat İnstitutundan məlumat verilib.
Şirindil Alışanlı 28 oktyabr 1952-ci ildə Laçın rayonunun Əhmədli kəndində anadan olub.
Bakı Dövlət Universitetinin Filologiya fakültəsində təhsilini bitirdikdən sonra ədəbi tənqid üzrə ixtisas kursunu tamamlayıb. 1976-1987-ci illərdə AMEA Nizami Gəncəvi adına Ədəbiyyat İnstitutunda müxtəlif vəzifələrdə çalışıb.
Həmçinin 1993-1998-ci illərdə "Elm" qəzetinin baş redaktoru, 1997-2013-cü ildə "Elm" Redaksiya, Nəşriyyat-Poliqrafiya Mərkəzinin direktoru olub. 1998-2003-cü illərdə Nizami adına Ədəbiyyat İnstitutunun Tarixi poetika şöbəsinin müdiri olub və vəfatına qədər XX əsr (sovet dövrü) Azərbaycan ədəbiyyatı şöbəsinin müdiri kimi fəaliyyət göstərib.
1990-cı ildən isə "Sabah" nəşriyyatının direktoru olaraq çalışıb. 1976-cı ildən ədəbi-tənqidi məqalələri mətbuatda çap olunur.
5 kitab, 100-dən çox elmi məqalə müəllifidir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
