Bakıda 2300-dən çox riyaziyyat müəllimi sertifikatlaşdırma imtahanlarına cəlb edilib

Bakıda 2300-dən çox riyaziyyat müəllimi sertifikatlaşdırma imtahanlarına cəlb edilib
# 21 iyun 2024 10:26 (UTC +04:00)

İyunun 21-də dövlət ümumi təhsil müəssisələrində çalışan təhsilverənlərin sertifikatlaşdırılması prosesinə Bakı Şəhəri Üzrə Təhsil İdarəsinin tabeliyindəki məktəblər üzrə 2 379 riyaziyyat müəllimi dəvət edilib.

Qurumdan APA-ya bildirilib ki, test imtahanı mərhələsində 120 dəqiqə müddətində təhsilverənlərin tədris etdiyi fənn üzrə ümumi təhsil proqramlarına, tədris metodikasına və təlim strategiyalarına aid 60 sual təqdim edilir. Hər düzgün cavab 1 balla qiymətləndirilir. Bu mərhələnin nəticələri üzrə balların hesablanması avtomatlaşdırılmış rejimdə proqram təminatı vasitəsilə həyata keçirilir və imtahan başa çatdıqdan dərhal sonra namizəd topladığı balı kompüterin ekranında görür.

Test imtahanında mümkün 60 baldan minimum 30 bal toplamış təhsilverənlər sertifikatlaşdırmanın müsahibə mərhələsində iştirak hüququ qazanacaq.

Qeyd edək ki, Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin (MÜTDA) direktor müavini, Bakı Şəhəri üzrə Təhsil İdarəsinin müdiri vəzifəsini müvəqqəti icra edən Nərminə Hüseynova sertifikatlaşdırma prosesindən öncə təhsilverənlərlə görüşüb, onlara tövsiyələrini verib və uğurlar arzulayıb.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR